Qırımda «Mishor – Ay-Petri» alatlı yolu aprelniñ 20-ne qadar profilaktika işleriniñ keçirilmesi içün qapatıldı. Bu malümat alatlı yolnıñ resmiy saytında derc etildi.
«Alatlı yol er yılki profilaktika işlerine qapatıldı. Alatlı yoldaki işler aprelniñ 20-nde başlamalı», – dep aytıla haberde.
Alatlı yolnıñ memuriyeti bildirgenine köre, profilaktika aman-aman üç ay devamında keçirile, çünki tehnik baqınuv olacaq.
«Alatlı yol er yıl tehnik baqınuvdan keçmeli, anda bir sıra ekspertiza bar. Buña yaqınlaşmaq içün onı azırlamaq kerek», – dep qayd ete memuriyet.
Keçken sene mayısnıñ 14-nde «Mishor – Ay-Petri» alatlı yolunda bir işçi elâk oldı. O, baqınuvnı kaskasız ve sigorta sistemasız keçirdi, tayaq meydanında olğanda donatma qorqulıqlarından keçti.
«Mishor – Ay-Petri» alatlı yolu – populâr turistik obyektidir. 2013 senesi alatlı yoldaki esas arqannı Avstriyada sımarlanğan yañı soyuna deñiştirdi.
Turistik obyektniñ saytında haber etilgenine köre, bu alatlı yol Ginnes rekord kitabına Avropadaki eñ uzun tayaqsız açıqlıq olaraq kirsetilgen edi: onıñ uzunlığı 1670 metrdir.
