İşğal etilgen Qırımda Rusiye akimiyeti «köçkenlerniñ» balaları içün «test noqtalarını» yaptı – yani rus olmağan er kes içün. Bu aqta Milliy tirenüv merkezi bildire.
Berilgen malümatqa köre, ilk evelâ ukrayin ve qırımtatarlar nişan oldı.
«Sorav» adı altında balalarğa mefküreviy ceetten tesir etip, rus kimligini aşlay ve repressiyalar içün qorantalar qıdıra», – dep aytıla haberde.
Merkez böyle areketler halqara uquqnı boza, dep qayd ete.
Milliy tirenüv merkezi Qırımda studentlerni Rusiye arbiyleriniñ ihtiyacları içün göñüllilikke mecbur eteler, dep yazğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
