Qırımtatar Milliy Meclisi Türkiyede suv taşqını vaqtında zar körgenlerge taziye bildirdi. Buña ait bildirüvni Meclis reisi Refat Çubarov Facebook saifesinde yayınldı.
«Qırımtatar Milliy Meclisinden ve şahsen öz adımdan bu tabiat afeti neticesinde yaqınlarını ğayıp etken ailelerge teren taziyeler bildirem. Yaralanğanlarğa tezden teviylengmege tileyim. Dostane ve qardaş Türkiye Cumhuriyetine ise küç-quvet, sebat, sabr», – dep yazdı Çubarov.
Türkiyeniñ şimalinde suv taşqınları sebebinden vefat ekenlerniñ sayısı 44 oldı. Qurtarıcılar zarar körgen evlerni ve tamamınen yıqılğan binalarnıñ viranelerini teşkermege devam eteler.
Memleketniñ şimalinde, Qara deñizniñ yalısında suv taşqınları aftanıñ soñunda başlandı, sebep şiddetli yağmurlar oldı. Kastamonu eyaletindeki Bozkurt şeeri eñ çoq zarar kördi. Bu yerde 36 adam öldi.
7 adam Sinop, 1 Bartın şeerinde öldi. Eki biñge yaqın adam tahliye etildi.
