Bu imayecisiniñ muracaat bergenine baqmadan oldı. Celâlnıñ sağlığı ile problemaları bar, şu cümleden üç belkemikarası quyuldığı ve varikoz. Onıñ tibbiy baqınuvğa ihtiyacı bar.
"Tünevin, oktâbrniñ 10-nda Narimannıñ etap etilgen yeri aqqında resmiy malümat aldım. Qırımdan bayağı uzaq, Krasnoyark bölgesi. Anda eki apishane bar, qaysı birisine etap etilgeni şimdilik belli degil", - dep bildirdi Leviza.
Belli olğanına köre, Qırımtatar Milliy Meclisiniñ birinci muavini Nariman Celâl ve Asan ve Aziz Ahtemovlar oktâbrniñ 2-nde Aqmescitteki SİZO-2-den alındı ve Rusiyedeki apishanelerge avuştırıldı.
2022 senesi sentâbrniñ 21-nde Rusiye kontrolindeki Qırımnıñ Yuqarı mahkemesi Nariman Celâlnı 17 yıl sert rejimli koloniyada qalmasına üküm etti. Bundan ğayrı, 700 biñ ruble para cezası berildi ve azatlığı 1,5 yılğa sıñırlandı.
Asan Ahtemov 15 yıl sert rejimli koloniyada qalmasına üküm etildi. Oña 500 biñ ruble para cezası berildi ve 1 yıl qadar azatlığı sıñırlandı. Aziz Ahtemov 13 yıl sert rejimli koloniyada qalmasına üküm etildi. Oña da 500 biñ ruble para cezası berildi ve azatlığı 1 yılğa sıñırlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
