Link açıqlığı

«Milli Firqanıñ» sabıq reisi Rusiye prezidenti Qırımdaki temsilcisiniñ muavini oldı


Qırım akimiyeti organlarına özüni Meclis muhalifeti olaraq tanıtqan bir qaç qırımtatarnı tayin ettiler.

15 minut haber agentliginiñ malümatına köre, bunı Qırım «spikeri» Vladimir Konstantinov haber etti. O, «qırımtatar halqınıñ vekilleri bir de bir teşkilâtqa alâqası olğanına baqmadan Qırım akimiyeti organlarına kirecegini» bildirdi.

Böyle etip, Qırım federal bölgesinde Rusiye Federatsiyası prezidentiniñ vekâletli temsilci muavini vazifesine «Milli Firqa» cemaat teşkilâtınıñ sabıq yolbaşçısı Vasvi Abduraimov tayin etildi.

Bundan ğayrı, Aqmescit rayon devlet memuriyetiniñ reis muavini vazifesine «Vatandaş-semetdeşler» hayriye fondunıñ başı Rustem Halilov tayin etildi. Qırım iqtisadiyat inkişafı ve ticaret naziriniñ muavini İslâm-Terek rayonınıñ köy hocalıq müessisesiniñ reberi İbragim Bay oldı; Qırım medeniyet naziriniñ muavini vazifesine – Medeniyet nazirliginiñ kitaphane-malümat resurslarını teşkil etüv ve inkişaf boyunca bölük müdiri Pavel İbadlayev tayin etildi, dep yaza «Qırım akimiyetiniñ» ruporı Krıminform haber agentligi.

15 minut haber agentligine berilgen malümatqa köre, Devlet şurasınıñ milletlerara munasebetler ve sürgün olunğan grajdanlar işleri boyunca daimiy komissiyasınıñ yolbaşçısı Regionlar firqası Qırım teşkilâtınıñ deputatı Edip Gafarov oldı.
XS
SM
MD
LG