Link açıqlığı

Saatnıñ esas haberi

Mıkolayıvde patlavlar eşitildi – şeer yolbaşçısı


Nümüneviy resim
Nümüneviy resim

Mıkolayıvde mayısnıñ 16-nda saba patlavlar eşitildi. Bu aqta şeer yolbaşçısı Aleksandr Senkeviç bildirdi. O, tafsilâtlı bir malümat bermedi, amma pencerelerden uzaq olmağa tevsiye etti.

Mıkolayıv vilâyetiniñ arbiy memuriyeti saat 8:00-da olğan malümatta Mıkolayıvge saba açılğan ateş neticesinde yanğınlar çıqtı, bir insan yaralandı, dep bildirdi.

«Saba erte Mıkolayıvde işğalcilerniñ şeerniñ mesken yerlerine qarşı raketa darbeleri ve toplu ateş reaktiv sistemasından endirgen darbeleri neticesinde küçlü patlavlar oldı», – dep bildire Ukraina kütleviy haber vastaları.

İlk malümatqa köre, maşina ve mefruşat tükânı yandı.

Vilâyetniñ arbiy memuriyeti bildirgenine köre, mayısnıñ 15-nde kündüz ve aqşam Rusiye Federatsiyasınıñ ordusı Şirokovskağa ateş açtı, evler zarar kördi ve yaralanğanlar bar.

Bereznegovatskada keçken künü açılğan ateş neticesinde eki insan can berdi, bir kişi yaralandı. Evler zarar kördi, dep bildirdi vilâyetniñ arbiy memuriyeti.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG