Bu sene Qırımtatar bayrağı 104 yılını toldura. 1917 senesi noyabr ayında Bağçasaraydaki Hansarayda birinci Qurultayda mavı keten sol köşesinde altın tamğanen qırımtatar bayrağı kibi qabul etildi. Bizim siyasiy yaşayışımıznıñ aqiqaten yañı bir doğması», – dedi o zaman Qurultaynıñ açılışında Qırım müftisi Noman Çelebicihan.
«Yañı siyasiy yaşayış» pek çoq devam etmedi: 1918 senesi bolşevikler Qurultaynı dağıttı, 600-ge yaqın qırımtatar tevqif etildi, soñra atıp öldürildi, olarnıñ arasında Çelebicihan da edi. Qırımtatar bayrığı resmiy olaraq tek 70 yıl soñra 1991 senesi kene peyda oldı. Bunıñ arasında ise ağır yıllar keçti, sürgünlik, Vatandan uzaqta yaşayış.
İyünniñ 26-sında ekinci Qurultay keçirildi. 19 yıl soñra 2010 senesi tam bu künü Qırımtatar Milliy Bayraq Künü olaraq tayin etildi. Qırımtatar Milliy Bayraq Künü munasebeti ile Qırım.Aqiqat tamğa ile sancaqnıñ peyda oluv ve ğayrıdan tiklenüv tarihı aqqında fotogalereya azırladı
Meydanğa kelüvinden bizim künlerimizgece qırımtatar bayrağı (fotogalereya)
1
1917 cenesi noyabr ayı. Bağçasarayda birinci Qırımtatar Qurultayınıñ delegatları
2
1991 senesi iyün ayı. Bular Aqmescitteki ekinci Qurultaynıñ iştirakçileri ve musafirleri. Eki Qurultay arasında 70 yıldan çoq vaqıt keçti. Sürgünlikten Vatanına qaytıp kelgen qırımtatarlarnıñ qollarında 20-nci asırnıñ başında tasdıqlanğa Milliy bayraq
3
1991 senesi sentâbr ayı. Qırımtatar bayrağı Ukraina Yuqarı Radası binası ögünde yelpirey. O zaman Qırımdan faaller millet vekilerinden qırımtatar halkhınıñ devletçiligini ğayrıdan tiklemege ve Meclisni bir temsiliy organ olaraq kibi qabul etmege talap ete ediler. Soñra piketler qırımtatarlar içün timsaliy olğan «Kyiv-92» aktsiyağa çevirildi
4
1994 senesi iyün ayı. Qırımtatar halqınıñ Milliy lideri Mustafa Cemilevniñ odasınıñ divarında bayraq
5
2006 senesi mayıs ayı. Ukraina bayraqları ve narazılıq transoprantlar ile beraber yelpiregen qırımtatar bayraqları. Bu, qırımtatar halqınıñ sürgünlik qurbanlarını añma künü olğan mayısnıñ 18-ndeki ananeviy toplaşuv
6
2011 senesi mayıs ayı. Er yıl, Qırımnıñ Rusiye taarfından işğal etilmesine qadar, Aqmescitniñ merkezinde mayısnıñ 18 matem künü içün mıtlaqa büyük miting keçirile edi
7
2014 senesi mayıs ayı. Qırım işğaliniñ birinci yılında, mayısnıñ 18 arfesinde Aqmescitniñ merkeziy meydanı Rusiye OMON-ı tarafından sarıp alınğan edi, şeeriniñ merkezinde ise BTR tura edi. Netidejde qırımtatarlar Aqmescitniñ çetindeki Ak-Meçet qasabasında toplanım, matem tedbirini keçirdi
8
2015 senesi dekabr ayı. Qırımtatar Milily Bayrağı Aqmescitte bir qırımtatar tünda
9
2016 senesi mayıs ayı. Şu sene Stokgolmda «Eurovision» yır yarışında Ukrainanı Jamala temsil etti. Qorantasınıñ ve bütün qırımtatar halqınıñ facialı taqdirini o «1944» yırında ikâye etti
10
2016 senesi mayıs ayı. Qırımtatar bayrağı Kanadadaki Ontario eyaletiniñ Parlamenti yanında köterile
11
2016 senesi iyün ayı. Kyivniñ merkezi Qırımtatar Milliy Bayraq künü munasebeti ile mavı ve sarı tamğanen ava kürreçiklernen yaraştırılğan
12
2016 senesi sentâbr ayı. Kefe civarındaki Blijneye köyünde Qırban bayramı qayd etilmyesine azırlıq zamanı bir evniñ fasadı ölçüsinde bir qırımtatar bayrağı
13
2017 senesi mayıs ayı. Sürgünlik qurbanlarınıñ añma künü arfesinde Çatır-Dağğa ananeviy köterilüv zamanı qırımtatar bayraqları
14
2018 senesi mayıs ayı. Bir yıldan soñ dağ töpesinde
15
2018 senesi mayıs ayı. Türkiyeniñ İstanbulı üzerinde qırımtatar bayrağı. 1990-ncı yıllardan Qırımjdaki semetdeşlerine milliy bayraq aqqında bilgilerni ve ananelerni bildirgen tam Türkiyedeki diaspora edi
16
2018 senesi iyün ayı. Kyivde Qırımtatar Milliy Bayraq Künü munasebeti ile keçirilgen avtoyürüş
17
2018 senesi iyün ayı. Refat Çubarov Qırımtatar bayrağı kününde Hreşçatik boyunca 40 metrlik bayraqnı alıp kete
18
2018 senesi oktâbr ayı
19
2019 senesi yanvar ayı. Qırımtatar İlver Ametovnıñ Sudaqtaki müzey evi
20
2019 senesi iyün ayı. Kyivde Qırımtatar bayrağı künü
21
2019 senesi avgust ayı. Qırımnıñ cenübiy-şarqiy yalısında Köz qasabasında taşlardan tizilgen taraq-tamğa
22
2019 senesi dekabr ayı. Qırımtatar bayrağı qırımtatar milily areketiniñ iştirakçisi Ayşe Seitmuratova yanında masa üstünde
23
2020 senesi iyün ayı. Qırımtatar faalleri qırımtatar milliy areketiniñ iştirakçisi Ceppar Abducemilevniñ evinde. Olarnıñ ziyareti Baraq kününen bağışlanğa marafonı çerçivesinde edi
Facebook Forum