Ukraina Merkeziy Saylav Komiteti, mart 31-inde olacaq prezident saylavlarına namzetlerniñ qayd etilüvini yekünledi.
Namzetlerni 2018 senesi dekabr 31-inden başlap, 2019 senesi fevral 3-ünece köstermege mümkün edi. Bu vaqıt devamında komissiya 89 adamdan vesiqa qabul etti.
MSK-nde bildirgenleri kibi, şimdilik 28 adamnıñ namzeti qayd etildi.
Memleketniñ merkeziy saylav komissiyası namzetlerniñ vesiqalarını 2019 senesi fevralniñ 3-ne qadar qabul etecek. Namzetler qayd olğan soñ martnıñ 29-na qadar devam etecek saylavaldı teşviqatına başlay bile.
Prezident saylavları 2019 senesi martnıñ 31-ne belgilengen edi. Saylavlar bir basamaqta keçse, neticeleri aprelniñ 10-nda çıqarılacaq. Martnıñ 31-nde namzetlerden iç birisi saylayıcılar reyleriniñ 50 fayızını qazanmasa, rey berüvniñ ekinci basamağı aprelniñ 21-nde olacaq. Böyleliknen neticeler mayısnıñ 1-nde ilân etilecek, inauguratsiya ise mayısnıñ 31-ne belgilenecek.
