Link açıqlığı

Saatnıñ esas haberi

Merkeziy saylav komissiyası saat 20:00-da saylayıcılarnıñ iştirakine dair ilk malümatnı aydınlattı


Nevbetten tış parlament saylavlarında saat 20:00-da saylayıcılarnıñ faalligi 50,09%-nı teşkil etti, dep haber ete Merkeziy saylav komissiyası. Bu ilk malümat 199 saylav okrugından 19-ınıñ malümatına esaslana.

Saat 16:00-da Merkeziy saylav komissiyası saylayıcılarnıñ faalligi 36,55%-nı teşkil etti, dep bildirgen edi.

Bölüklerniñ çıqışlarında keçirilgen sorav neticelerine köre, doquzıncı çağırılış Yuqarı Radağa beş firqa keçe:

  • «Sluğa narodu» – 43,9%
  • «Opozıtsiyna platforma – Za jıttâ» – 11,5%
  • «Yevropeyska solidarnist» – 8,9%
  • VO «Batkivşçına» – 7,6%
  • «Ğolos» – 6,3%.

İyülniñ 21-nde Ukrainada nevbetten tış parlament saylavları keçirildi. Saylav bölükleri saat 20:00-da qapatıldı. Milliy deputat olmaq içün aman-aman altı biñ insan namzetini kösterdi.

Ukraina Yuqarı Radasınıñ saylavları kününde Exit pollnı Konsortsium keçirdi. Onıñ erkânına «İlko Kuçerivniñ demokratik teşebbüsleri» Fondu, Kyiv halqara sotsiologiya institutı ve Aleksandr Razumkov Ukraina iqtisadiy ve siyasiy tedqiqatlar merkezi kire.

Ukraina Yuqarı Radasına firqa cedvelleri boyunca Qırımtatar Milliy Meclisiniñ beş vekili namzet kösterecek: qırımtatar halqınıñ lideri Mustafa Cemilev ve Meclis reisiniñ muavini Ahtem Çiygoz (Petro Poroşenkonıñ «Avropa birdemligi» firqası), Meclis reisi Refat Çubarov (İgor Smeşkonıñ «Küç ve namus» firqası), Gayana Yüksel (Ukrainanıñ yeşiller firqası), Qırımtatar Milliy Meclisiniñ azası ve Abmecit Suleymanov («Ukraina Halq Areketi»).

Yuqarı Rada saylavlarına tek Qırımtatar Milliy Meclisiniñ temsilcileri namzet köstermey. Olarnıñ arasında – ukrain jurnalisti ve qırımtatar asıllı devlet erbabı, Ukraina informatsion siyaseti naziriniñ birinci muavini Emine Ceppar («Ğroysmannıñ ukrain strategiyası» firqası), Qırımtatar Milliy Qurultayınıñ delegatı Rustem Umerov, «KrımSOS» teşebbüsiniñ koordinatorı Tamila Taşeva ve «VostokSOS» hayriye fondunıñ icra müdiri Aleksandra Dvoretskaya (üçü de Svâtoslav Vakarçuknıñ «Ses» firqasından), qırımlı bloger ve dizayner Liza Bogutskaya (Volodımır Zelenskıynıñ «Halq hızmetçisi» firqası), qırımlı, Ukrainanıñ sabıq halq deputatı Andrey Sençenko («Aq küçü»), cemaat faali, göñülli, Qırımdan köçken Natalya Lütikova («Ukraina Halq Areketi»).

XS
SM
MD
LG