Türkiye devlet başı Recep Tayyip Erdoğan al-azırda Rusiyeni Qırımnı terk etmege mecbur etmek mümkün degil, dep saya. Bunı o PBS Amerika telekanalına intervyü berir eken bildirdi.
"Daa 2014 senesi prezident Putinnen Qırım mevzusında bazı munaqaşalar ve aytışmalar oldı. Ve menim fikrlerim muvafaqiyet ile yekünlenmedi. Ve men olarnı Qırımnı terk ettiremedim. Ve al-azırda da bu imkânsızdır. Vaqıt kösterir", - dep ayttı Erdoğan.
Sizce "cenk ne qadar devam etecek" sualine "onda cenkniñ devamı ve bitmesi yazılğanı taqvim yoq" dep cevaplandı.
İyül ayında Erdoğan Ukrayina prezidenti ile körüşken soñ, o, Türkiye Ukrayina topraq bütünligini desteklegenini bildirgen edi.
"Biz 2014 senesinden başlap bütün halqara meydanlarda Ukrayina topraq bütünligini, suverenitetini ve mustaqilligini desteklegenini bildire edik", - dep bildirdi Erdoğan.
Sentâbrniñ 4-nde Erdoğan RF prezidenti Vladimir Putin ile körüşken edi. Taraflar zahire añlaşmasınıñ devam etirilmesini muzakere ettiler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
