Ukrayina mudafaa naziri Rustem Umerov, Qırım 2024 senesi işğalden azat etile bile, dep bildirdi. Bu tahminini o, Bild alman neşiri içün bergen intervyüsında bildirdi.
''Men 100 fayız eminim. Bu bizim strategik maqsadımızdır", - dep qayd etti Ukrayina mudafaa nazirliginiñ başı.
Umerov emin: "Biz yeñermiz, şübesiz".
Yazda Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov Qırım.Aqiqatqa intervyü berir eken Qırımnıñ işğalden azat etilüv tarihı ile bağlı tahminlerni tarif etken edi.
Daa evel Kırılo Budanov Qırımnıñ qaytarıluvı qarışıq yolnen yapılacağını bildirgen edi. Ukrayina istihbaratınıñ yolbaşçısı bu yolnıñ ne olğanını añlatmadı.
Avgustnıñ 28-nde Ukrayina prezidenti Volodımır Zelenskıy, Ukrayina silâlı quvetleri Qırım sıñırlarına çıqqan soñ, yarımadanıñ azat etüviniñ siyasiy yolu aqqında aytmağa mümkün olacağını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
