Rusiye arbiyleri dört kün devamında Melitopolge tehnika ve arbiylerini ketirdi, amma episi patlatıldı, dep bildirdi şeer yolbaşçısı İvan Fedorov Telegram kanalında.
«Martnıñ 27-nden bazarertesinden başlap Melitopol, Fedirivka, Vesele, Moloçansk, Tokmak, Mirne yaqınlarında «pamuq» açtı. Soñra Melitopolde kene ve kene», – dep qayd etti o.
Aprelniñ 6-nda aqşam, Fedorovnıñ malümatına köre, Veselede Rusiye ordusınıñ arbiy bazası patlatıldı. «Orklar yuvasınıñ bir çöplükte olması çoq şey ifade ete. Eñ kelişken yerni tapqanlar, endi daima anda qalacaqlar», – dep tarif etti şeer yolbaşçısı.
Belli olğanın köre, Rusiye arbiyleri bir qaç künden berli Veselege arbiy tehnikasını ketirgen edi, yerli sakinler bunı bildirmesin dep, mobil bağnı bastırğanlar.
«Tirenüv küçleri işğalcilerniñ er bir adımını bile, Ukrayına Silâlı quvetleri duşman adımlarını yoq ete», – dep ayttı Fedorov.
Region işğal altında olğanı içün ve uruşlar ketkeni içün muarririyet bu malümatnı mustaqil menbalarda teşkerip olamay.
Zaporijjâ vilâyetiniñ Melitopol şeeri Rusiyeniñ tam istilâsı başlağanda işğal etildi. Azatlıq Radiosınıñ Rus hızmeti Ukrayına ve Rusiye menbalarına esaslanıp, Rusiye Hersondan çekilgen soñ cenübiy cebe komandanlığını Melitopolge avuştırdı, dep bildirdi.
Rusiyeniñ tam istilâsı başlağanından berli Melitopol ücümlerge oğray. Soñki künleri şeerde patlavlar toqtamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net/?utm_medium=otf&utm_campaign=proxy&utm_source=otf. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
