Rusiyeniñ Ukrayinağa qarşı keniş mıqyaslı cenkiniñ üç ayı içinde işğalciler Melitopolde artıq yarım biñden çoq barışıqsever adamnı qaçırdılar. Bunı şeer başı İvan Födorov haber etti.
"Melitopolde adamlar muntazam ve er kün qaçırıla. İşğalniñ devamında, yani üç ay içinde, 500-ge yaqın adam qaçırıldı. Bazılarını üç kün tutalar, bazılarını bir aydan ziyade", - dedi o.
Födorovnıñ sözlerine köre, işğalciler tarafından qaçırılğanlar arasında arıtq 50 künden çoq tutulğan 16 yaşındaki ösmür bala bar.
Arbiy areketler sebebinden muarririyet bu malümatnı teşkerip olamay.
Fevralniñ 25-nden berli Melitopol RF orusınıñ işğal altındadır.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
