Advokat Sergey Legostov Rusiyede mahküm etilgen ukrain tarafdarı Oleg Prıhodkonen körüşken soñ, anda oña yaramay munabette olğanlarını bildirdi.
Bunı Legostov "Qırım birdemligi" cemaat birleşmesine haber etti.
Advokatnıñ malümatına köre, Prıhodko endi üç aydan berli ğayet telükeli cinayetçiler içün apishanede tutula eken. Bu, imayeciniñ Novoçerkassktan etap etilgen soñ il ziyareti.
"Mahkemelengen ile körüşüv qaunda kösterilgen gizlilikke riayet etilmeden keçti. Körüşüvde olarnıñ laflarını videoğa çekken cezahaneniñ vekili bar edi. Prıhodkonıñ özü cam arqasında edi, bağ pek yaramay edi, hususan onıñ eşitme problemleri olğanı köz ögüne alınsa. 25 daqqadan soñra apishanede üyle yemegi vaqtı olğanı içün subet soñuna keldi. Körüşüvni devam etmek içün Legostovnı artıq yibrmediler", - dep yazıla birleşmeniñ malümatında.
Advokat, müşterisine imza içün bir sıra vesiqa bermesine izin berilmegenini ve bu onıñ uquqlarınıñ qaba şekilde bozuluvı olğanını qayd etti.
Prıhodko özü, Vladimirskiy tsentralda olğan üç ay müddetinde yaqınları tarafından yollanğan lâzim ilâclarnıñ berilmegnini ayttı. Ekim de onı kelip bir kere bile baqmağan. Cezahaneniñ hadimi ise advokatnıñ suallerine cevap bermegen.
"Yalıñız yarıq söngen soñ yatmağa izin berilgeni içün o bütün kün ayaq üstünde keçirmek mecbur. Bundan ğayrı, oña bir mektüp bile bermediler. Onıñ tuvğanlarına yollağan mektüpler de olarğa barı yetmey. Siyasiy mabüs, bütün mektüpler tsenzuradan keçe, dep saya", - aytıp berdi Legostov.
Advokat, artıq FKU T-2 qanunnıñ bozuvları ile bağlı Vladimirsktaki prokuraturağa şikâyet bergenini bildiri.
Rusiyede mahküm etilgen Qırım sakini, ukrain tarafdarı Oleg Prıhodkonıñ ailesi evel çıqarılğan üküm çerçivesinde mahkeme tarafından oña berilgen 200 biñ ruble cöremeni tam şekilde ödedi.
Rostov-na-Donudaki Cenübiy arbiy bölgesiniñ mahkemesi Qırımdan ukrain tarafdarı faali Oleg Prıhodkonı terror ücümini azırlağanında ve patlayıcı maddelerni qanunsız yapqanında qabaatlı tanıdı ve 5 yıl sert apis cezasına mahküm etti.
Ukraina Yuqarı Radasınıñ insan aqları vekâletlisi Lüdmila Denisova Qırım sakini, ukrain tarafdarı faali Oleg Prıhodkoğa çıqarılğan ükümni takbih etti.
Ukraina Tış işler nazirligi, Cenübiy arbiy bölgesiniñ mahkemesi Oleg Prıhodkonı terror ücümini azırlağanında ve patlayıcı maddelerni qanunsız yapqanında qabaatlı tanıp, 5 yıl sert apis cezasına mahküm etkenine narazılıq bildirdi.
Qırımda Ukraina prezidentiniñ daimiy temsilcisi Anton Körineviç Rostov-na-Donudaki Cenübiy arbiy bölgesiniñ mahkemesi Qırımdan ukrain tarafdarı faali Oleg Prıhodkoğa çıqarğan ükümni takbih etti.
Rostov-na-Donudaki mahkeme beş yıl apis cezasına mahküm etken ukrain tarafdarı faali Oleg Prıhodkonıñ mudafaası ükümni temyiz etecek.
Bu dava boyunca munaqaşalar keçken afta yekünlendi. Prıhodko soñki sözne çıqışta bulunıp, qabaatını tanımağanını bildirdi.
Rusiyeniñ Rostov-na-Donu Cenübiy okrugınıñ arbiy mahkemesi oturışuvında prokuror qırımlı Oleg Prıhodko içün 11 yıl sert rejimli koloniya cezası berilmesini istedi.
Kreml kontrolindeki Qırımnıñ Saq rayon mahkemesi iyünniñ 25-nde qırımlığan 2 biñ ruble para cezasını berdi. Mahkeme onı Rusiye memuriy cinayetler kodeksiniñ 20.3 maddesiniñ birinci qısmına istinaden qabaatlı dep tanıdı. Qırım.Aqiqatnıñ elinde olğan mahkeme qararına köre, faalniñ evinde tintüv vaqtında tutıp alınğan eşya ve vesiqalarnıñ «tedqiqatı» «Prıhodko üçünci şahıslarnıñ bu eşya ve vesiqalarğa irişmesi vastasınen natsist timsallerini propaganda etkenini ve köstergenini» işaretlemekteN
Faalniñ özü evindeki bütün timsaller «antika», dava malümatında olğan svastikalı kölmek ise «suvenir» ve 2010 berli onda olmağanını ayttı.
2019 senesi fevralniñ 8-nde Qırımdaki FSB idaresiniñ hadimleri Oleg Prıhodkonıñ evini tintken edi. Quvetçiler ukrain timsalleri, «Svoboda» firqasınıñ bayraqları, qırmızı-qara bayraqlar, Stepan Banderanıñ süretleri, tehnika ve ev CD-disklerini aldı. Tintüvden soñ Prihodkonı Aqmescitke alıp ketkenler, anda faaliyeti ve esas Ukraina ile bağları aqqında sorap sorğuğa çekkenler.
