Kiyev – Qırımnı terk etmege mecbur olğan tamır halq vekilleri, qıtada qırımtatarlar toplu yaşaycaq qasabalarnı meydanğa ketirmek zaruriyeti aqqında fikirler bildireler. Mütehassıslar bu ğayeni mantıqlı dep sayalar.
Qırımnıñ uquq-qoruyıcı areketiniñ temsilcisi Enver Kadırovnıñ fikirince, «dağılı şekilde yerleşüv iç ümüt etilmegen assimilâtsiya ile yekülene bile». «Medeniyet, etnik, diniy menlikniñ saqlap qaluvı meselesi bar. Ukrainliler ve atta ruslar, qıtağa ketkende, er alda yaqın müitke dalalar. Qırımtatarlarnıñ ise, ayırı hususiyetleri bar, onıñ içün toplu yerleşüv ile bağlı mesele açıq tura», – dep qayd etti, Qırım.Aqiqatqa Enver Kadırov.
Kadırovnıñ fikirince, qırımtatarlar köçken er regionda yerleşüv probleması çıqa. Hususan, Herson vilâyeti, eñ yaqın region olıp, «andan Qırımğa toplu şekilde qaytmaq mümkün olacaq».
Uquq qoruyıcınıñ aytqanına köre, Herson vilâyeti akimiyeti köçkenler içün biñge yaqın topraq damartasını ayırmağa vade etti. Amma, adamlarnı toplu yerleştirmek içün çetten yatırımcılarnı celp etmek kerek, ve bu mesele al etildi dep, aytmağa daa erte.
Qırımtatar halqı lideri Mustafa Cemilev emin, Qırımdan köçmege mecbur olğan qırımtatarlar, yarımadağa yaqın bir yerde yaşamaq kerekler. Mustafa Cemilev Qırım.Aqiqatqa bergen izaatında, «yarımada azat olunğandan soñ, adamlarğa Vatanlarına qaytmağa qolayca olur» dep, qırımtatarlarnıñ yerleşüvi ve abadanlaştıruvına belgilengen devlet paraları, Herson vilâyetine köçkenlerniñ ihtiyaclarına qullanacağına işanç bildirdi,
Mecburen Aqmescitten köçken Ruslan, Qırım.Aqiqatqa aytqanı kibi, o, eki ay evelsi Kiyevge keldi ve şimdilik qaytamağa niyeti yoq. «Halqımız sürgün etilgen edi, amma avdet etti. Şimdi ise, kene de… er şeyni sıfırdan başlamağa mecburmız, öz aqlarımıznı qorçalamalımız. Eminim, medeniyetni saqlap qalmaq içün qırımtatarlar toplu bir şekilde yerleşmeliler» – dedi Ruslan.
Qırımtatarlar menligini saqlap, birlikte azat etilgen Qırımğa qayta bileler – ekspert
Yaqın şarqiy taqiqatlar Merkeziniñ müdiri İgor Semivolos Qırımdan köçken çeşit gruppalar arasındaki farqnı qayd etti.
«Qırımtatarlarnıñ ayırı bir ihtiyacı bar – öz menligini saqlap qalmalılar», – dep qayd etti ekspert. Aytqanına köre, qırımtatarlar ileride menliginiñ hususiyetlerini saqlap, «azat olunğan Qırımda deñişmelerni keçirecek eñ çoq birleşken ve tesir etici cemiyet olaraq avdet olurlar».
Bundan evel, Herson vilâyeti memuriyetiniñ reisi Yuriy Odarçenko, vilâyette 18 biñ topraq damartasını yani 9 biñ ga topraqnı qırımtatarlar içün ayırğanını bildirgen edi. Bunen beraber, qırımtatarlar topraqnı qolay şekilde elde etecekleri qayd etilgen edi.
Ukraina Prezidenti Memuriyeti yanında vaqtınca işğal etilgen topraqlar ve içtimaiy alışqanlıq meseleleri boyunca bölükniñ reberi Andrey İvanets, Qırım.Aqiqat ile bu meselege dair öz fikirini bildirdi: «Bu kergin vaziyette, topraqlarına yaqın bir yerde yaşaycaq ve bağ tutacaq qırımtatarlarğa bu kerçek yardımdır. Herson vilâyeti olar içün işğal devam etkenine qadar vaqtınca bir sığınaq ola bile».
Qırımnıñ uquq-qoruyıcı areketiniñ temsilcisi Enver Kadırovnıñ fikirince, «dağılı şekilde yerleşüv iç ümüt etilmegen assimilâtsiya ile yekülene bile». «Medeniyet, etnik, diniy menlikniñ saqlap qaluvı meselesi bar. Ukrainliler ve atta ruslar, qıtağa ketkende, er alda yaqın müitke dalalar. Qırımtatarlarnıñ ise, ayırı hususiyetleri bar, onıñ içün toplu yerleşüv ile bağlı mesele açıq tura», – dep qayd etti, Qırım.Aqiqatqa Enver Kadırov.
Kadırovnıñ fikirince, qırımtatarlar köçken er regionda yerleşüv probleması çıqa. Hususan, Herson vilâyeti, eñ yaqın region olıp, «andan Qırımğa toplu şekilde qaytmaq mümkün olacaq».
Uquq qoruyıcınıñ aytqanına köre, Herson vilâyeti akimiyeti köçkenler içün biñge yaqın topraq damartasını ayırmağa vade etti. Amma, adamlarnı toplu yerleştirmek içün çetten yatırımcılarnı celp etmek kerek, ve bu mesele al etildi dep, aytmağa daa erte.
Qırımtatar halqı lideri Mustafa Cemilev emin, Qırımdan köçmege mecbur olğan qırımtatarlar, yarımadağa yaqın bir yerde yaşamaq kerekler. Mustafa Cemilev Qırım.Aqiqatqa bergen izaatında, «yarımada azat olunğandan soñ, adamlarğa Vatanlarına qaytmağa qolayca olur» dep, qırımtatarlarnıñ yerleşüvi ve abadanlaştıruvına belgilengen devlet paraları, Herson vilâyetine köçkenlerniñ ihtiyaclarına qullanacağına işanç bildirdi,
Mecburen Aqmescitten köçken Ruslan, Qırım.Aqiqatqa aytqanı kibi, o, eki ay evelsi Kiyevge keldi ve şimdilik qaytamağa niyeti yoq. «Halqımız sürgün etilgen edi, amma avdet etti. Şimdi ise, kene de… er şeyni sıfırdan başlamağa mecburmız, öz aqlarımıznı qorçalamalımız. Eminim, medeniyetni saqlap qalmaq içün qırımtatarlar toplu bir şekilde yerleşmeliler» – dedi Ruslan.
Qırımtatarlar menligini saqlap, birlikte azat etilgen Qırımğa qayta bileler – ekspert
Yaqın şarqiy taqiqatlar Merkeziniñ müdiri İgor Semivolos Qırımdan köçken çeşit gruppalar arasındaki farqnı qayd etti.
«Qırımtatarlarnıñ ayırı bir ihtiyacı bar – öz menligini saqlap qalmalılar», – dep qayd etti ekspert. Aytqanına köre, qırımtatarlar ileride menliginiñ hususiyetlerini saqlap, «azat olunğan Qırımda deñişmelerni keçirecek eñ çoq birleşken ve tesir etici cemiyet olaraq avdet olurlar».
Bundan evel, Herson vilâyeti memuriyetiniñ reisi Yuriy Odarçenko, vilâyette 18 biñ topraq damartasını yani 9 biñ ga topraqnı qırımtatarlar içün ayırğanını bildirgen edi. Bunen beraber, qırımtatarlar topraqnı qolay şekilde elde etecekleri qayd etilgen edi.
Ukraina Prezidenti Memuriyeti yanında vaqtınca işğal etilgen topraqlar ve içtimaiy alışqanlıq meseleleri boyunca bölükniñ reberi Andrey İvanets, Qırım.Aqiqat ile bu meselege dair öz fikirini bildirdi: «Bu kergin vaziyette, topraqlarına yaqın bir yerde yaşaycaq ve bağ tutacaq qırımtatarlarğa bu kerçek yardımdır. Herson vilâyeti olar içün işğal devam etkenine qadar vaqtınca bir sığınaq ola bile».
