Bu aqta martnıñ 15-nde ABD cenkni ögrenüv institutınıñ (ISW) ekspertleri yañı maruzasında bildireler .
Olarnıñ qayd etkenine köre, Medvedevniñ talapları yañı degil, aksine, Kremlniñ Kıyivge nisbeten kerçek niyetlerini ifadeley, olar "Ukrayinanıñ tam teslimiyetiniñ tam şartlarını belgilemekten ğayrı, başqa maqsatlarnen bağlı muzakereler içün yer bermeyler".
''Medvedevniñ "barışıq formulası" Putinge ve Kremlge çoqtan berli bir qaç yımşatılğan söznen aytılğan şeyni açıq ve sert bir şekilde ifade ete: Rusiye içün barışıq, Ukrainanıñ er angi sıñırlı mustaqil ve mustaqil bir devlet olaraq soñuna kelmesi demektir. Ukrayinanı Rusiye ile muzakerelerge celp etmege istegenler Rusiyeniñ bu noqta-i nazarını köz ögüne alsalar yahşı olur edi'', – dep qayd eteler ekspertler.
2022 senesi fevralniñ 24-nde Rusiye Federatsiyasınıñ Ukrayinağa tam miqyaslı istilâsınıñ birinci künü Rusiye prezidenti Vladimir Putin Moskvanıñ maqsatlarını tam ''demiliterizatsiya'' (Ukrayinanıñ bütün arbiy imkânları ve özüni qorçalav imkânlarından marum etilmesi) ve ''denatsifikatsiya'' (rejimniñ bütünley deñiştirilmesi) olaraq adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
