Link açıqlığı

Saatnıñ esas haberi

Medvedev Rusiye Qırımnı zapt etken soñ Ğarp «Rusiye inkişafınıñ neticelerini sıfırlamağa» istedi, dep ayttı


Dmitriy Medvedev

Rusiye Telükesizlik şurasınıñ reis muavini, «Yedinaya Rossiya» reisi Dmitriy Medvedev dekabrniñ 1-nde Ğarp memleketleri Rusiye Qırımnı ilhaq etken soñ «Rusiye Federatsiyasınıñ inkişaf neticelerini sıfırlamağa tırışa», dep ayttı.

Bunı Medvedev «Yedinaya Rossiya» reberleriniñ göñülliler ile körüşüvinde bildirdi, dep haber ete TASS Rusiye haber agentligi.

«Er şey qayda ketkenini, ğarbiy memleketlerniñ devletimizge qarşı munasebetini köremiz. Mustaqilligimizni feda etmeycegimizni, suverenitetimizden vazgeçmeycegimizni, olarğa sadıqlıq köstermeycegimizni añladılar. Qırım Rusiye Federatsiyasına kirgen soñ episiniñ bizge qarşılıq köstermege, biznen küreşmege, soñki yıllarnıñ inkişaf neticelerimizni sıfırlamağa tırışqanı belli edi», – dep bildirdi Medvedev.

O, Ğarp memleketleri «Rusiyeniñ tarihiy hatırasından bir şey qalmasın dep, elinden kelgenini yaptı», dep bildirdi.

Dmitriy Medvedev Ukrayınağa qarşı «bütün vastalar qullanılacaq» ve Rusiye «NATO ve ğarbiy dünyağa qarşı» cenkleşe, dep ayttı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG