Link açıqlığı

Medvedev: Rusiye Qırım ve Aqyarğa endi 70 milliard rubleni masraf etti


Qırım ve Aqyarnıñ işğalinden başlap, Moskva regionnıñ inkişafına tahminen 70 mlrd ruble ayırdı.

Bunı baş nazir Dmitriy Medvedev «Vesti v subbotu» yayınında bildirdi, dep haber ete Krıminform.

Bu para «tek çeşit türlü yatırım maqsatlarğa – inkişaf, infrastruktura, yol, diger munasebet şekillerine degil de, anda yaşağan ve bücet saasında çalışqan insanlar bizim regionlarımızda olğan aylıqlarnıñ alğanına ayrıla, soñkisi ise bizde olduqça güzeldir», – dep anlattı baş nazir.

Bunıñ ile Medvedev şunı da qayd etti ki, işbu maliye destek Rusiyeniñ diger regionlarınıñ teminini eksiltmey, çünki «Qırımğa ketken vastalar içteki yedeklerimizden ayırıla». «Yani nasıldır bir regionnıñ maliye destegine ayırılğan bir ruble bile andan alınıp, Qırımğa yollanılmaz»,– dedi Medvedev. – Bizde masraf etmege planlaştırmağan yedeklerimiz bar, biz olarnı şimdi Qırımğa ayıramız».

Medvedev «Qırımğa diger regionlardan bayağı insan baracağına» ümütini bildirdi. «Şunıñ içün bu manada aqçanı qızğamaq kerekmey»,– dedi o.

O, al-azırda regionnıñ inkişaf yollarından biri olğan mahsus iqtisadiy alanınıñ teşkil etilmesi ile bağlı sual baqılğanını tasdiqladı. Mında ingliz uquğı üküm süre bilecek edi.
XS
SM
MD
LG