Rusiye Federatsiyasınıñ baş naziri Dmıtro Medvedev Aqmescitte kelip, Qırım Cumhuriyeti ve Aqyar şeeriniñ içtimaiy-iqtisadiy inkişafı mevzusında toplaşuv keçirecek. Bunı o, özüniñ Twitter saifesinde yazdı, dep bildire İTAR-TASS.
Ükümet yolbaşçısınıñ saifesinde: «Aqmescittem. Bugün mında Ükümet Qırım inkişafını muzakere etecek», – dep qayd etile.
Rusiye memurı Qırım Rusiyege qoşulğan soñ ilk sefer yarımadağa kele. Ükümet yolbaşçısınen beraber baş nazir muavinleri ve nazirler şurasınıñ ekseriyeti keldi.
«Ükümet gruppası» erkânına Rusiye baş naziriniñ birinci muavini İğor Şuvalov, Rusiye ükümetiniñ reis muavini Dmıtro Kozak, Serğiy Prihodko, Olğa Golodets, Arkadiy Dvorkoviç, Dmıtro Rogozin, Yuriy Trutnev, Oleksandr Hloponin, federal nazirleri ve profil bölükleriniñ reberleri kirdi.
Muşaverede 2014 senesi martnıñ 24-de ükümet reisiniñ toplaşuvı neticesinde berilgen avalelerniñ yerine ketirilmesi muzakere etilecek.
Keçken afta Medvedev nazirler ve bölüklerge Qırım boyunca bir sıra vazifeler berdi. Rusiye baş naziri bir afta içinde Qırım ve Aqyarğa ava seferleri sayısınıñ arttıruvı aqqında tekliflerni azırlamağa emir etti.
Ükümet yolbaşçısınıñ saifesinde: «Aqmescittem. Bugün mında Ükümet Qırım inkişafını muzakere etecek», – dep qayd etile.
Rusiye memurı Qırım Rusiyege qoşulğan soñ ilk sefer yarımadağa kele. Ükümet yolbaşçısınen beraber baş nazir muavinleri ve nazirler şurasınıñ ekseriyeti keldi.
«Ükümet gruppası» erkânına Rusiye baş naziriniñ birinci muavini İğor Şuvalov, Rusiye ükümetiniñ reis muavini Dmıtro Kozak, Serğiy Prihodko, Olğa Golodets, Arkadiy Dvorkoviç, Dmıtro Rogozin, Yuriy Trutnev, Oleksandr Hloponin, federal nazirleri ve profil bölükleriniñ reberleri kirdi.
Muşaverede 2014 senesi martnıñ 24-de ükümet reisiniñ toplaşuvı neticesinde berilgen avalelerniñ yerine ketirilmesi muzakere etilecek.
Keçken afta Medvedev nazirler ve bölüklerge Qırım boyunca bir sıra vazifeler berdi. Rusiye baş naziri bir afta içinde Qırım ve Aqyarğa ava seferleri sayısınıñ arttıruvı aqqında tekliflerni azırlamağa emir etti.
