Qırım işğali devamında Qırımtatar Milliy Meclisiniñ tahminen 30 azası Rusiye tarafından basqığa oğradı, dep tarif etti «KrımSOS» aq qorçalayıcı teşkilâtınıñ talilcisi Yevğen Yaroşenko.
«İşğal başlağanından berli Meclis vekilleri işğalci akimiyet tarafından taqip etildi, siyasiy sebepli memuriy ve cinaiy davalarnıñ mabüsleri oldı, hırsızlandı. Episi siyasiy sebepli taqiplerniñ qurbanları oldı», – dep ayta Yaroşenko.
Teşkilât qayd etkenine köre, aprelniñ 26-nda Qırımtatar Milliy Meclisiniñ Qırımda Rusiye memuriyeti tarafından yasaqlanması ve ekstremist faaliyetiniñ tanılmasından altı yıl keçti.
Faallerniñ malümatına köre, aqımdaki seneniñ ilk üç ayı içinde Rusiye işğal etken Qırımda uquq qoruyıcılar qırımtatar halqınıñ 49 vekilini tuttı.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Qırımtatar Resurs Merkeziniñ malümatına köre, Qırım işğali devamında 21 insan ğayıp oldı, 15-i qırımtatar halqınıñ vekili ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
