Link açıqlığı

Aprel 26 kününe planlaştırılğan qırımtatar halqınıñ Meclisi ile Btuyündünya tatarlarnıñ kongressi arasında işbirlik aqqında eki taraflama añlaşmanıñ imzalanuvı olmadı.

Meclisniñ reis muavini Nariman Celâl aytqanı kibi, qırımtatar temsilcileriniñ Rusiye akimiyeti ile yüksek seviyede fikirdeşligi olmasa, bir de bir leyhalar aqqında aytmağa acet yoq.

Faqat, Bütündünya tatarlarnıñ kongressi icraiy komitetiniñ reis muavini Renat Valiullin bunı Qazanğa Meclis reisi Refat Çubarov kelmegeninen añlattı. 31 insandan ibaret olğan eyyetniñ erkânında Refat Çubarovnıñ olmağanını Meclinsiñ tışqı alâqlar boyunca idare yolbaşçısı Ali Hamzin regiondaki ağır rvaziyeti ile añlattı.

«Tasavur etiñiz, 2 kün evelsi Mecliske ücüm ettiler, bizde er vaqıt çeşit türlü tarik ve qorquzuvlar yüz bere. Şunıñ içün böyle vaziyette o pk istese de, ketip olamaz edi», – dedi o.

Meclis temsilcileri Tatarstanğa musafirçenlik içün teşekkürlerini bilrdi ve Rusiye prezidenti Vladimir Putin qırımtatarlarnıñ liderlerini, olarnıñ meselelerniñ çezüv yollarını belgilemek içün, körüşüvge davet etmek kerekligini qayd ettiler, dep haber ete RBK-Tatarstan.

15 minut bergen malümatqa köre, aprel 25 künü Qırımdan Qazanğa qırımtatarlarnıñ eyyeti yol alğan edi. Körüşüv çerçivesinde qırımtatar halqınıñ Meclis ile Btuyündünya tatarlarnıñ kongressi arasında işbirlik aqqında eki taraflama añlaşmanıñ imzalanuvı planlaştırıla edi.

Eyyet Qazanda aprel 29 kününece bulunacaq.
XS
SM
MD
LG