Qırımtatar Milliy Meclisi Tamır halqlar kününe aktsiya keçirecek – o, avgustnıñ 6-nda Kyivde ötkerilecek, dep aytıla teşkilâtnıñ saytında.
«Aktsiya iştirakçileri Obolon yalı kenarında balaban qırımtatar bayrağınıñ boyalanmasına qoşula bile, soñra ise «Ukrayınanı aşatamız. Ukrayına Qırımınıñ damı» leyhasınıñ aşhanesinden pilâv aşaycaqlar», – dep aytıla haberde.
Tedbir avgustnıñ 6-nda saat 10:00-da Obolonska Naberejna soqağınıñ maşina durağında ötkerilecek.
Halqara tamır halqlar künü er yıl avgustnıñ 9-nda qayd etile, 1994 senesi onı BM Baş Assambleyası belgiledi.
Ukrayına prezidenti Volodımır Zelenskıy 2021 senesi iyülniñ 21-nde Yuqarı Rada 2021 senesi iyülniñ 1-nde qabul etken №1616-IX «Ukrayına tamır halqları» qanunını imzaladı.
Qanun Qırım yarımadasında şekillengen qırımtatarlar, qaraylar ve qırımçaqlarnı Ukrayınanıñ tamır halqları olaraq tanıy.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
