Qırım ve Aqyar şeeri ile beraber halqara seviyede tanılğan sıñırlarda Ukrayina suverenitetiniñ ve topraq bütünliginiñ ğayrıdan tiklenilmesi Rusiye ile aytışmalar vaqtında şart olmalı. Bunıñ aqqında Qırımtatar Milliy Meclisiniñ beyanatında yazıla.
Meclis, "Rusiye-Ukrayina cenkiniñ 2014 senesi fevralniñ 20-nden" Qırımnıñ işğali ve ilhaqından başlanğanına diqqat çekti.
Qırımtatar Milliy Meclisinde Rusiye ile aytışmalarda Ukrayina prezidenti Volodımır Zelenskıynıñ prioritetler ile bağlı fikirlerinen razı olğanını bildirdiler. O, daa evel, Ukrayinağa cenkniñ bitmesi, telükesizilk kefaletleri, suverenitet, topraq bütünliginiñ ğayrıdan tiklenilmesi kerek olğanını aytqan edi.
"Rusiye Federatsiyasınıñ Ukrayina devletine qarşı şefqatsızlığı ve arsızlığı ile ХХІ asırnıñ tarihında misli olmağan tecavuzı 23-nci kün devam ete. Er bir kün silâsız adamlar, şu cümleden qadınlar ve balalar öle. Qırımtatar Milliy Meclisi, sırasında doğma Qırımlılar da olğan Ukrayina silâlı quvetlerine öz minnetdarlığını ve sayğısını bildire. Qırım Ukrayinadır! Ukrayinağa şan-şerefler!", - dep yazıla bildirmede.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
