Qırımtatar milliy Meclisi yarımadada insanlarnıñ ğayıp oluvı sebebi ile bir sıra halqara teşkilâtlarğa muracaatta bulundı.
Hususan, Meclis toplaşuvında qabul etilgen «Qırımda insanlarnıñ ğayıp oluvı ile bağlı vaqialarnıñ ögü alınması aqqında» muracaat Birleşken Milletler Teşkilâtına, Avropa havfsızlıq ve işbirlik boyunca teşkilâtına, bir sıra halqara uquq qorçalayıcı teşkilâtlarğa yollanıldı.
Muracaatta aytılğanı kibi, soñki ayları Qırım cemaatı evelden mında olmağan havflı adiselerge rastkeldi – insanlar ğayıp olmağa başladı. Meclis misal olaraq mart ayında 3 balanıñ babası Reşat Ametovnıñ ğayıp oluvını ketire, birazdan onı vahşiyce öldürilgen alda tıptılar.
«Reşat Ametovnıñ Aqmescit şeeriniñ Merkeziy meydanında qanunsız yaqalanuvı ve mecburiy sürette andan alıp ketüvini jurnalistler videoğa çekti. Faqat şimdigece Reşat Ametovnıñ vahşiyce öldirilüvi ögrenilmedi ve cinayetçiler cezalanmadı»,– denile muracaattа.
Mecliste şunı da qayd ettiler, 2014 senesi mayısnıñ soñunda Qırımda bir-biri artından «Ukrainskiy dom» cemaat teşkilâtınıñ üç azası, Aqmescit sakinleri Leonid Korj, Timur Şaymardanov ve Seyran Zinedinov ğayıp oldılar. Olarnıñ taqdiri alâ daa belgisizdir.
«Qırımtatar milliy meclisi Qırımnıñ sakinlerine nisbeten etilgen zorbalıqnı Qırım cemaatını qorquzdırmaq içün etilgen numayışlar kibi, olarnıñ ögrenilmemesini ise akimiyet tarafından insan aqlarınıñ körmemezlikke urğanı olaraq tanıy», – denile beyanatta.
Qırımtatar milliy Meclisi halqara teşkilâtlarnı ve halqara uquq qorçalayıcı teşkilâtlarnı Qırımda ealige qarşı zorbalıqnıñ ögüni almaq içün areket etmege çağırdı.
Evelleri aynı bu sebepten olğan qasеvetini Qırım musulmanları diniy idaresi bildirgen edi.
Hususan, Meclis toplaşuvında qabul etilgen «Qırımda insanlarnıñ ğayıp oluvı ile bağlı vaqialarnıñ ögü alınması aqqında» muracaat Birleşken Milletler Teşkilâtına, Avropa havfsızlıq ve işbirlik boyunca teşkilâtına, bir sıra halqara uquq qorçalayıcı teşkilâtlarğa yollanıldı.
Muracaatta aytılğanı kibi, soñki ayları Qırım cemaatı evelden mında olmağan havflı adiselerge rastkeldi – insanlar ğayıp olmağa başladı. Meclis misal olaraq mart ayında 3 balanıñ babası Reşat Ametovnıñ ğayıp oluvını ketire, birazdan onı vahşiyce öldürilgen alda tıptılar.
«Reşat Ametovnıñ Aqmescit şeeriniñ Merkeziy meydanında qanunsız yaqalanuvı ve mecburiy sürette andan alıp ketüvini jurnalistler videoğa çekti. Faqat şimdigece Reşat Ametovnıñ vahşiyce öldirilüvi ögrenilmedi ve cinayetçiler cezalanmadı»,– denile muracaattа.
Mecliste şunı da qayd ettiler, 2014 senesi mayısnıñ soñunda Qırımda bir-biri artından «Ukrainskiy dom» cemaat teşkilâtınıñ üç azası, Aqmescit sakinleri Leonid Korj, Timur Şaymardanov ve Seyran Zinedinov ğayıp oldılar. Olarnıñ taqdiri alâ daa belgisizdir.
«Qırımtatar milliy meclisi Qırımnıñ sakinlerine nisbeten etilgen zorbalıqnı Qırım cemaatını qorquzdırmaq içün etilgen numayışlar kibi, olarnıñ ögrenilmemesini ise akimiyet tarafından insan aqlarınıñ körmemezlikke urğanı olaraq tanıy», – denile beyanatta.
Qırımtatar milliy Meclisi halqara teşkilâtlarnı ve halqara uquq qorçalayıcı teşkilâtlarnı Qırımda ealige qarşı zorbalıqnıñ ögüni almaq içün areket etmege çağırdı.
Evelleri aynı bu sebepten olğan qasеvetini Qırım musulmanları diniy idaresi bildirgen edi.
