BMT tamır halqlar meseleleri boyunca Daimiy forumınıñ 24-nci sessiyasında Qırımtatar Milliy Meclisi ilk sefer teşkilât olaraq degil de, tamır halqınıñ parlamenti olaraq taqdim etildi. Bunı Qırımtatar resurs merkeziniñ reisi Eskender Bariyev bildirdi.
"Şimdi qırımtatar halqı Meclisiniñ vekilleri tamır parlament azaları içün yer alacaq, meselâ, Norveç, İsveçiya ve Finlândiya saam parlamentleriniñ vekillerinen beraber", — añlattı o.
QRM-niñ yolbaşçısınıñ aytqanına köre, o, Ukrayina nazirler Kabinetinden prezident tarafından teklif etilgen tamır halqlar aqqında qanun leyhasınıñ yerine ketirilmesi ve Meclisniñ tamır halqnıñ temsiliy organı olaraq uquqiy statusınıñ pekitilmesi boyunca reaktsiyanı bekley.
Birleşken Milletler Teşkilâtınıñ tamır halqlar meseleleri boyunca daimiy forumı 2000 senesi teşkil etilgen Birleşken Milletler Teşkilâtınıñ İqtisadiy ve İçtimaiy Şurasınıñ mesleat organıdır. O, bütün dünyada tamır halqlarnıñ aqları, sağlığı, tasil ve iqtisadiy inkişafı meselelerinen oğraşa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
