Link açıqlığı

Meclis işğal rejiminiñ akimiyet organlarına kösterilecek namzetlerini belgiley


Meclis Qırımda işğal rejiminiñ akimiyet organlarına kösterilecek namzetlerini belgiley. Bugün Aqmescitte bu meseleniñ muzakeresi boyunca toplaşuv keçe.

Toplaşuv qapalı şekilde keçe, matbuat vastalarınıñ temsilcilerini içeri qoymqylar.

Aluşta regional Meclis azası Enver Arpatlı teneffüs vaqtında jurnalistlerge yañı akimiyet organlarında vazifelerge başlağan Meclis azaları kendi vekâletlerini qaldıracaqları aqqında bildirdi.

Evelleri halq lideri Mustafa Cemilev böyle işbirlikke qarşılıqnı bildirdi. Lâkin VI Qurultaynıñ nevbetten tış sessiyasında Mecliske yañı akimiyet organlarına namzetlerni köstermek içün vekâlet berilgen edi.

Qurultay sessiyasında ATR qırımtatar telekanalınıñ saibi öz başına tayinlengen akimiyetke baş nazir muavini vazifesine kendi namzetini bildirdi.

Öz nevbetinde, separatist Qırım akimiyetiniñ «birinci baş nazir muavini» keçken bazar künü qırımtatarlardan akimiyetke kösterile bilecek namzetleriniñ adlarını aytıp keçti. Onıñ aytqanına köre, yarın öz başına tayinlengen tanılmağan Qırım cumhuriyetiniñ Devlet Şurası Lenur İslâmov, Remzi İlyasov, Zaur Smirnov ve Safure Kacametovnıñ namzetlerini baqacaq.
XS
SM
MD
LG