Qırımtatar Milliy Meclisi qırımtatar jurnalisti Elvina Seitbullayevanı oña berilgen «Ukrainada nam qazanğan» unvanınen tebrikledi. Bu aqta Qırımtatar Milliy Meclisiniñ reisi Refat Çubarov Facebookta yazdı.
«Qırımtatar Milliy Meclisi adından ve şahsen özümden Elvina Seitbullayevanı «Ukrainada nam qazanğan jurnalist» unvanına nail olmasınen tebrikleyim. Eminim, Elvinanı tanığanlar maña qoltutar – o, yapqan işinen ve cemiyetke köstergen hızmetinen yüksek mukâfat ve maqtavlarğa lâyıqtır», – dep yazdı Çubarov.
Mayısnıñ 4-nde Ukraina prezidenti Petro Poroşenko «ATR» telekanalınıñ alıp barıcısı Elvina Seitbullayevağa «Ukrainada nam qazanğan jurnalist» unvanınıñ berilmesine dair buyruqnı imzaladı.
Elvina Seitbullayeva Özbekistanda doğdı. Qırımtatarlarğa tarihiy vatanlarına qaytmağa izin berilgen soñ Seitbullayeva yedi yaşında olıp, qorantasınen beraber Qırımğa qayttı. Rusiyeniñ yarımada işğalinden soñ jurnalist esas Ukrainağa ketti.
