Link açıqlığı

Maydan iştirakçileri ve Qırım arbiylerini öyle de arbiy areket iştirakçileri olaraq tanımadılar


.
Ukraina Yuqarı Şurası narazılıq numayışları neticesinde zarar körgenlerge ve Qırım arbiylerine status ve imtiyazlarnı bermek içün qanunnı qabul etip olamadı.

Deputatlar dört qanun leyhanı baqıp çıqtılar, olardan üçü narazılıq numayışlar aqqında (№4017-1, №4267 ve №4267-1), ve birisi – Rusiye işğali vaqtında Qırımda bulunğan askerlerni arbiy areket iştirakçileri olaraq tanılması aqqında (№4267-2), dep haber ete «Ukrainskaya pravda».

№4017-1 ve №4267-1 qanunlarğa tek 168 deputat qol tuttı. №4267 – 170 insan, em de böyle netice azlıq ete.

Spiker Oleksandr Turçinov bu üç vesiqanı daa da ögrenip çıqmaq, soñra ise olardan birisini reyge qoymağa teklif etti, amma bu ğayege de tek 193 insan qol tuttı.

Oksana Prodannıñ №4267-2 qanun leyhasını yuqarıda añılıp keçken qanunlarınıñ sırasına kirsetmediler, çünki o narazılıqlarğa degil de, Qırımda arbiy areketlerniñ iştirakçilerine aittir. Amma onı da qabul etip olamadılar: 201 deputat qol tuttı.

Qanunlarnıñ muzakeresi devamında deputatlardan bazıları II Cian cenkniñ iştirakçilerini ve studentlerni «bir sırağa ketirmek»ten öz saqınlıqnı bildirdiler. Em de numayışlarda zarar körgenlerniñ belgilenüvinen kim oğraşaycaq sualinen meraqlana ediler.

Bizde «II Cian cenkniñ iştirakçileriniñ» sayısı Rusiyeden de çoq olmasın, dedi deputat Oleg Zarubinskiy.

Muvafaqiyetsiz muzakerelerden soñ Turçinov parlamentni masqara etmemege çağırdı ve nevbetteki sefer bu teşebbüslerge qol tutacaqlarına ümütini bildirdi.
XS
SM
MD
LG