Link açıqlığı

Matbuat vastaları: Qırımdan qıtaiy Ukrainağa barğan trenlerniñ yol parası 7 qat paalılaştı


İyün 10-dan tren biletleriniñ satuvı ile OAO «RJD» oğraşa, qıtaiy Ukrainağa biletlerniñ fiyatı 4-7 qat paalılaştı, dep haber ete «Tsentr jurnalistkih rassledovaniy».

Neşirniñ malümatına köre, №12 «Aqmescit-Kiyev» trenine bilet fiyatı 4 biñ 894 ruble 40 kapik oldı, 3,0 kursı boyunca 1631 grivna olıp çıqa. Evelleri bu yönelişteki trenlerge bilet fiyatı 380 grn tura edi.

Zaporojyeden Aqmescitke biletlerniñ fiyatı Qırım kassalarında endiden 2 biñ 369 ruble 40 kapik, ya da 790 grn tura. Evelden onıñ fiyatı 100 grn-dan ziyade degil edi.

Kassalarda añlatalar ki, fiyatlarnıñ paalılaşuvı Rusiye demir yol fiyatlarına keçüvi ile bağlı. Vagonlarnıñ ve hızmetniñ keyfiyeti deñişmey qala eken.

XS
SM
MD
LG