İşğal etilgen Qırımda teşkil etilecek «Federal universitet»niñ yolbaşçılığında öz başına tayin etilgen «baş nazir muavini» Sergey Doniç turacaq.
Bunı Qırım «Devlet şurası»ndaki qaynaq bildire, dep haber ete Qırım «akimiyetiniñ» ruporı Krıminform.
«Belli ki, Doneç Nazirler şurasından federal universitetke yolbaşçı olaraq kete»,– dedi qaynaq.
O şunı da qayd etti ki, Doniç bu qararnı endi kesen-kes aldı ve bu malümatn sır degildir.
«Federal universitet» altı aliy oquv yurtınıñ negizinde teşkil etilecek.
Hatırlatamız, «Qırım nazirler şurasınıñ reisi muavini»niñ istifası Rusiyeniñ siyaseti ile bağlıdır.
Bu fikirni Qırım.Aqiqatqa bergen izaatında siyasetşınas Aleksandr Formançuk bildirdi.
«Temirgaliyevniñ istifası Rusiyeniñ qattı siyaseti ile bağlıdır. O qaparcılıq meseleleriniñ çezilüvi ile bağlı areket tarzına olğan yüksek talaplarnı belgiley», – dedi siyasetşınas.
Formançuknıñ sözlerine köre, onıñ içün Temirgaliyevniñ istifası tesadüfiy bir şey oldı. «Onı er vaqıt efektiv bir idareci olaraq tanıy edim», – dedi ekspert.
