Bir sıra Qırım matbuatı, Keriç köprüniñ kirişindeki demiryol tunnelinde eşilüv neticesinde bir işçi elâk olğanını bildirdi.
Sentâbr 13-ünde üyleden soñ Kerç.FM saytınıñ muarririyetine telefon etip, Keriç köprüniñ kirişindeki demiryol tunnelinde eşilüv olğanını haber ettiler.
"Demiryol tunnelinde bir şey çökti, qazağa oğrağanlar bar", – aytıp berdiler vaziyetni bilgen kişiler.
Acele yardımdaki muarririyetniñ menbaları, adise aqqında malümatnı tasdıqladı, em bir adam elâk olğanını ve daa birisi öz-özüni qazıp çıqarğanını bildirdi.
Muarririyetniñ talabına qurdurıcınıñ matbuat hızmetinde, bir adam ölümini tasdıq ettiler.
Kerch.com.ru saytı, Keriç köprüniñ kirişindeki demiryol tunnelinde eşilüv neticesinde adam elâk oluvınıñ teşkerüvi yapılğanını haber etti.
"Elâk olğanniñ tuvğanlarına endi haber etildi. Olarğa bütün kerekli yardım yapılır", - dep haber ete matbuat.
"Qırım köprü" saytında şimdilik işçiniñ ölümi aqqında resmiy bildirüv yoq.
Qırım.Aqiqat, adise tafsilâtını bilmege tırışa.
Keriç boğazındaki köpürniñ maşina qısmı 2018 senesi mayıs ayında yengil maşinalar içün açılğan edi, daa soñra yük maşinalarınıñ areketi başlatıldı. Köpürniñ demiryol qısmı daa azır degil.
Avropa Birligi ve ABD Rusiye ve işğal altındaki Qırım arasındaki Keriç köprüniñ qısmen açılışını takbih etti. Ukraina tarafı 2014 senesi Qırım ilhaq etilgen soñ Rusiye ile köpür qurucılığı añlaşmasından çıqtı.
2014 senesi iyül ayında Ukraina ükümeti ilhaq etilgen Qırımdaki bütün limanlarnıñ işini resmiy şekilde toqtatqan edi.
