Avropa Birliginiñ yardım talim missiyası martnıñ soñuna qadar 11 biñ ukrayınalı arbiyni azırlaycaq. Bu aqta AB üyken vekili Josep Borrell bildirdi.
Onıñ aytqanına köre, Avropa Birliginiñ missiyası Ukrayınağa NATO aza memleketlerinden berilecek tanklarnı azırlaycaq. Yılnıñ soñuna qadar azırlanğan mütehassıslarnıñ sayısı 30 biñ olacaq.
Borrell Ukrayınağa 2 milliard yeurolıq snarâd berilüviniñ üç maddeli plannı teklif etti: olğan yedeklerniñ berilüvi, 155 mm kalibrli silâ satın aluvı ve sanayını arbiy vaziyet rejimine keçirüv.
Bıltır noyabr ayında Avropa memleketleri Ukrayına arbiylerini ögretüv missiyasını(EUMAM) qurdı. O vaqıt 15 biñ ukrayınalı arbiy azırlıq körecek, dep aytıldı. Lâkin şimdi bu sayını eki qat arttırmağa qarar alındı.
Ukrayına Silâlı quvetleriniñ arbiyleri bir çoq memlekette ögrene. Büyük Britaniyada Challenger 2 tankları, Almaniyada Marder zırhlı arabaları, ABDde Patriort zenit-raketa komplekslerini idare etmege ögreneler. Çehiya, Poloniya ve Baltık memleketlerinde de ukrayınalı arbiyler azırlana.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
