Link açıqlığı

Saatnıñ esas haberi

Zelenskıy Rusiyeniñ Bahmut etrafındaki ğayıpları aqqında: martnıñ 6-ndan berli 1100-den çoq Rusiye arbiyi yoq etildi 


Ukrayına arbiyi Donetsk vilâyetiniñ Bahmut şeerinde, 2023 senesi fevralniñ 25-i
Ukrayına arbiyi Donetsk vilâyetiniñ Bahmut şeerinde, 2023 senesi fevralniñ 25-i

Ukrayına prezidenti Volodımır Zelenskıy bir aftadan az bir müddet içinde Donetsk vilâyetiniñ Bahmut şeeri etrafında 1100-den çoq Rusiye askeri yoq etildi.

«Bir aftadan az bir müddet içinde – martnıñ 6-ndan berli – ve tek Bahmut yönelişinde duşmannıñ 1100-den çoq askerini yoq etip oldıq – Rusiyeniñ Bahmut etrafındaki ğayıpları. Ve eñ az bir buçuq yaralanğan kişi – bu yaralardan soñ uruşlarda iştirak etmek imkânsız», – dedi siyasetçi video muracaatında.

Onıñ aytqanına köre, onlarnen Rusiye tehnikası yoq etildi, ondan çoq Rusiye silâ anbarı yaqıldı.

Новости без блокировки и цензуры! Установить приложение Крым.Реалии для iOS і Android.

Ukrayına Silâlı quvetleriniñ Baş ştabı bildirgenine köre, martnıñ 6-ndan berli Rusiye 5320 arbiyini ğayıp etti. NATO istihbaratınıñ malümatına köre, Rusiye Bahmut yaqınlarında Ukrayından beş qat çoq askerini coya.

Bahmut cebeniñ esas sıcaq noqtası olıp qala. Rusiye ordusı 2022 senesi iyül ayından berli, qomşu Lugansk vilâyetiniñ büyük qısmını (Severodonetsk, Rubejne, Lısıçansk) işğal etkende, şeerni zapt etmege tırışa. Yanvar ayında Bahmutqa yaqın mevzilerden Rusiye arbiyleri ve yalçıları faal ücüm başlattı.

Arbiy talilciler aman-aman bütünley yoq etilgen Bahmutnıñ zapt etilüvi Rusiye ise timsaliy bir emiyet taşıy, amma strategik ceetten müim degil, dep ayta.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG