2023 senesi mart ayından başlap Qırımdaki işğal mahkemeler RF ordusını "itibardan tüşürüv" maddesi ile 514 qarar çıqarğan. Bunı "QırımSOS" uquq qoruyıcı teşkilâtınıñ talcisi Yevgen Yaroşenko bildirdi.
Büyük cenk başlanğandan berli Rusiye SQ "tekrar itibardan tüşürüv" ile bağlı cinayet davalarında altı üküm de çıqarıldı.
Eñ çoq qarar şöyle Rusiye mahkemeleri çıqardı:
- Aqmescit şeeriniñ "Kiyev rayon mahkemesi" – 82
- "Kezlev şer mahkemesi" – 47
- "Kefe şer mahkemesi" – 41
- "Yalta şer mahkemesi" – 36
"RF ordusını "itibardan tüşürüv" davalarında çıqarılğan üküm ve qararlar Grajdanlıq ve siyasiy aqlar aqqında Halqra añlaşmanıñ 19-nci maddesi ve İnsan aqları Avropa şartnamesiniñ 10 maddesi köz ögünde tutqan fikir bildirüv serbestligi aqqını boza", - dep qayd etti Yaroşenko.
Avgust ayında Ukrayina prezidentiniñ Qırım MC daimiy temsilciligi yarımadada qanusız şekilde 180 adam yaqalanğanı aqqında haber etken di, olardan 117-si qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
