Mart ayında Rusiye quvetçileri Qırımda 11 tintüv keçirdi. Episi qırımtatarlarnıñ evlerinde, dep haber ete Qırımtatar Resurs Merkezi.
Onıñ malümatına köre, yarımadanıñ Rusiye akimiyeti 26 insannı yaqaladı, olardan 12 qırımtatardır.
"Teşkilâtnıñ malümatına köre, esabat müddeti devamında 11 tintüv, 26 yaqalanuv/tutuluv, 26 sorğu, sorav ve subet, 19 tevqif, 6 fizik ve ruhiy sağlıqnıñ yüksek seviyesi aqqınıñ bozuluvı qayd etildi", – dep aytıla haberde.
Mart ayında uquq qoruyıcılar üç etap etüv vaqiasını qayd etti, şu cümleden, Zaur Abdullayev, Eskender Abdulganiyev ve Rustem Murasov.
Qırımtatar resurs merkezi, bugünki künde azatlıqtan marum etüv yerlerinde bulunğan 194 qırımlı siyasiy mabüs qayd etilgenini bildirdi, olardan 134 qırımtatardır.
Ukrayina Prezidentiniñ Qırım Muhtar Cumhuriyetindeki Temsilciliginiñ malümatına köre, 2024 senesi fevralniñ 19-na qadar Rusiyede 208 qırımlı siyasiy mabüs tutula, olardan 125 qırımtatardır.
"Qırım uqu qoruyıcı gruppası"nıñ idaresiniñ reisi Olğa Skrıpnık bildirgenine köre, eñ azından 200 Ukrayina vatandaşı Qırımda uydurılğan siyasiy davalar boyunca apiste buluna.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
