Martta Qırım ve Herson vilâyeti arasındaki memuriy sıñırnı keçken insanlarnıñ sayısı arttı. Bu aqta Ukrainanıñ vaqtınca işğal etilgen topraqlar meseleleri nazirligi bildirdi.
Müessise bildirgenine köre, fevralge köre sıñırdan keçken adamlarnıñ miqdarı 28,58%-ğace çoqlaştı, naqliyatnıñ keçmesi ise 29,15%-ğace.
“Eki yönelişni 155 618 kişi ve 26 096 naqliyat keçti”, - denile müessise beyanatında.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
