Marselde Rusiye konsullığı yanında patlav oldı. Bu bazarertesi künü, fevralniñ 24-nde saba saat sekizlerde edi. Bu aqta BFMTV ve Valeurs Actuelles bildirgenler, ve Rusiyeniñ Marseldeki baş konsulı Stanislav Oranskiy tasdıqladı.
Polisteki menbanıñ BFMTVge bildirgenine köre, konsullıq binasına tutaştırıcı maddenen eki şişe atıldı, diplomatik temsilcilikniñ yanında bağçada patlağalar. Valeurs Actuelles mühbiri bildirgenine köre, konsullıq yanında hırsızlanğan maşina tapıldı.
Adise yerinde tahminen otuz yanğıncı ve polis hadimi buluna. Yaralanğan ve elâk olğanlar aqqında aytılmay.
Rusiye konsullığı Marselniñ sekizinci okrugında, Ambruaz-Par caddesinde buluna. Yaqında Mısır, Tunis, Ermenistan ve diger memleketlerniñ diplomatik temsilcilikleri de bar.
Rusiye Tış işler nazirligi bildirgenine köre, Marseldeki patlavnıñ «terakt alâmetleri bar».
«Memleketten tahqiqatnen bağlı tolu ve tez areketler, Rusiyeniñ çetel temsilcilikleriniñ telükesizligini quvetleştirüv adımlarını bekleymiz», – dep bildirdi Tış işler nazirliginiñ resmiy vekili Mariy Zaharova.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
