Rusiye kontrolindeki Bağçasaray rayon mahkemesi Bağçasaraydaki «ekinci Hizb ut-Tahrir gruppasınıñ» vatandaş jurnalisti Marlen Asanovnı Mordoviya Cumhuriyetiniñ Sosnovka qasabasındaki İK-7-den qorantası yaşağan işğal etilgen Qırımğa yaqın koloniyağa avuştırmağa razı olmadı. Bu aqta «Qırım birdemligi» uquqçı Nazim Şeyhmambetovnıñ malümatına esaslanıp bildire.
Qırımlı mahkemede tuvğanlarınen körüşüv eki sebepten olamay, dep añlattı: soy-sopları Qırımdan Mordoviyağa (1700 kmden çoq) keçmege mecbur ve qaytqanda da, ve, bundan ğayrı, körüşüvlerge çoq para kerek.
Qadı bütün delillerni körmemezlikke urıp, Asanovnıñ dava talaplarını red etti.
İman istinaf şikâyetini bermege niyetlene. uquqçı Nazim Şeyhmambetovnıñ aytqanına, mahkeme qararı «qanunğa esaslana».
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametov.
Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
