Meclis reisi Abdulgafarov bundan evel Ukrayina İç işler nazirliginiñ Qırım Muhtar Cumhuriyetindeki Baş idaresiniñ cinaiy qıdıruv sistemasında çalışqanını bildirdi. Qırım işğalinden evel Abdulgafarov pensiyağa çıqqan edi.
Çubarov bildirgenine köre, Abdulgafarov qırımtatar milliy areketiniñ faal iştirakçisi edi, ve 2013 senesi Bağçasaray regional Meclisiniñ azası olaraq saylandı.
«Oğlu Mecit, zabit, Ukrayina Silâlı Quvetleriniñ Ava-desant küçleriniñ 25-inci ayrı ava-desant brigadasınıñ kapitanı, 2022 senesi cenk vaqtında ğayıp olğanı haberini alğan soñ Marlen Abdulgafarov işğal etilgen Qırımnı terk etip, üçünci memleketlerden esas Ukrayinağa kelip çıqtı, anda öz isteginen Noman Celebicihan 48-inci ayrı ücüm batalyonına qoşuldı», – dedi Meclis reisi.
Donetsk vilâyetindeki soñki cenk vazifesinden soñ, onıñ vaqtında Abdulgafarov ufaq yaralanğan soñ, yüregi biraz ağırdı. Abdulgafarov 2024 senesi dekabrniñ 21-nde vefat etti, dep bildirdi Çubarov.
Cenaze – 2024 senesi dekabrniñ 24-nde Çayki köyünde (Kyiv vilâyetinde) Qırımtatar medeniyet merkezindeki camide qılınacaq.
İyünniñ soñunda Ukrayina ordusı saflarında hızmet etken 20 yaşında qırımlı Edem Aliyev Ukrayinadaki cenkte elâk oldı, dep haber etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
