Rusiye Mariupolni zapt etkeninden aylar keçken soñ viran etilgen şeerniñ fotoresimleri peyda oldı. RFE/RL ve Reuters fotoresimleri.
Mariupol viranelerinde yaşayış (fotoresim şaatlığı)
1
Viran etilgen Mariupol, oktâbrniñ 29-ı
2
Futbolcılar büyük zarar körgen bina ögünde idman ete. Oktâbrniñ 30-nda Reuters agentligi derc etken fotoresimler Rusiye işğal etken Mariupoldeki yaşayışnı köstere.
3
Cenkten zarar körgen çoq qatlı binada qurucılar. Boş şeerniñ resimleri Rusiyeniñ Ukrayınağa qarşı istilâsınıñ timsali oldı, amma soñki aylarda Rusiye devlet haber agentlikleri tek ayrı fotoresim derc ete edi.
4
Oktâbrniñ 19-nda yapılğan fotoresimde Mariupol merkezindeki zarar körgen bina ögünde Rusiye arbiy yük maşinaları köründi.
5
Mariupol sakini ve kiçik ciyeni zarar körgen evniñ azbarında oktâbrniñ 29-nda çalışa. Mariupol bir qaç ay devam etken uruşlardan soñ mayısta Rusiye arbiyleri tarafından zapt etildi, neticede şeer binalarınıñ 90 fayışçı viran etildi ve zarar kördi. Biñlernen insan Mariupol qamaçavında elâk oldı.
6
Avgustnıñ 21-nde çıqarılğan Mariupol kamera filarmoniyasınıñ rekonstruktsiya fotoresimi. Rekonstruktsiya işleri Rusiye Mariupol merkezindeki bazı binalar Rusiye tarafından zapt etilgen soñ aman-aman birden başlandı, amma Reuters agentligi derc etken fotoresimler çoq yer yaşayış içün uyğun olmağanını köstere.
7
Qadın Mariupolde yoq etilgen ev yanından keçe, oktâbrniñ 29-ı.
8
Büyük zarar körgen «Azovstal» çelik iritici zavodı. Fotoresim oktâbrniñ 29-nda çıqarıldı. «Azovstal» tarihiy madencilik zavodı belli Ukrayına polku «Azov» askerleri içün soñki istinat oldı. «Azov» göñülli batalyonı Ukrayına Milliy gvardiyasına alınmazdan evel Rusiye ve Ğarp matbuatı ve siyasetçileri onı öz urbasında neonatsist resimlerini qullanğanında qabaatladı. Rusiye prezidenti Vladimir Putin Ukrayınağa qarşı ücümini denatsifikatsiya dep adlandırğan edi, amma soñki vaqıtları «satanizmge» qarşı cenk olaraq tanıta.
9
«Azovstal» madencilik kombinatınıñ viraneleri. TASS Rusiye devlet agentliginiñ malümatına köre, viran etilgen «Azovstal» meydançığını işğalci akimiyet tahminen 831 mln dollarlıq «sanayı parkı, tehnopark, ekopark ve naqliyat-logistik merkezine» çevirmege planlaştıra.
10
Viran etilgen ev azbarında bala meydançığı, oktâbrniñ 29-ı.
Mariupolde 431 000 insan yaşay edi. Bugün şeerde bu sayınıñ dörtte birinden azı qaldı.
Mariupolde 431 000 insan yaşay edi. Bugün şeerde bu sayınıñ dörtte birinden azı qaldı.