Berilgen malümatqa köre, Mamut Çurlu 2025 senesi yanvarniñ 21-nde Anğara (Perevalnoye) köyünde yol qazasına oğrap, bir çoq yaranen hastahanege alındı.
«Mamut ağa qırımtatar medeniyetiniñ ğayrıdan tiklenmesi ve inkişafına, diger qırımtatar ustaları ve ameliy sanat ressamlarınen beraber populârlaştırğan qırımtatar örnegi tiliniñ teren ögrenilmesine ömrüni berdi. Mamut Çurlunıñ qorantası ve yaqınlarına samimiy taziyelerimizni bildiremiz. Allah rahmet eylesin», – dep yazdı Bariyeva.
Çurlu Ukrayina halq ustaları milliy birliginiñ azası, Gasprinskiy mukâfatınıñ laureatı oldı. Şahsiy sergileri Kyiv, Moskva, Taşkent, Köln, Haydelbergde (Almaniya) keçirilgen edi. Resimlerden ğayrı Mamut Çurlu kilim toqucılığı, çölmekçilik ve dizaynnen oğraştı. Qırım ustaları ve ressamlarını birleştirgen «Qırım üslübi» leyhasını teşkil etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
