Ukraina tış işler nazirinin birinci müavini Emine Ceppar, Ukrainda Malaziya elçisi Dato Raca Rezanen körüşüv keçirdi, onıñ devamında olar ilhaq etilgen Qırımnıñ askerleştirüvini ve musulman halqlarınıñ qırımtatarlarnıñ meselesiniñ çezmesine yardımını muzakere etti.
Bunı Ukraina TİN-niñ matbuat hızmeti bildirdi.
"Ayrı diqqat işğla etilgen Qırımda insan aqlarınıñ bozulmasına ve Qara ve Azaq deñizleri bölgeleriniñ askerleştirüvine berildi. Subetdeşler, işğal etilgen Qırımdaki qırımtatarlarnıñ meseleleriniñ çezilmesine musulman devletleriniñ celp etilmesiniñ kerekligini qayd etti. Hususan, Qırım yarımadasınıñ musulmanları içün tasil imkâniyetleri aqqında laf etildi", - denile beyanatta.
Qayd etile ki, Emine Ceppar Rusiyege halqara basqınıñ qalmasınıñ emiyetini qayd etti.
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
