Bahmut yönelişinde Ukrayin Mudafaa Quvetleri Donetsk vilâyetindeki Klişçiyivka ve Andriyivka civarlarında "belli bir muvafaqiyet elde etti", dep bildirdi Ukrayina Mudafaa naziriniñ muavini Ğanna Malâr.
"Anda duşmannı zapt etken mevzilerden sıqıştırıp çıqara edik ve anda ögge belli bir ilerilevimiz bar. Keçken afta içinde azat etilgen territoriya 2 kilometr kvadrat teşkil ete", - dep bildirdi o.
Malârnıñ sözlerine köre, Bahmut civarında qarşı ücüm ameliyatı vaqtında artıq 49 kilometr kvadrat azat etilgen.
Soñki aftaları Ukrayina SQ Baş ştabı Ukrayina Mudafaa quvetleri Bahmut şeerinde cenüpke ilerilegeni aqqında haber ete.
Keçende Vitaliy Barabaş Ukrayina Silâlı Quvetleri Donets k vilâyetindeki Avdiyivkanıñ cenübindeki Opıtne qasabasınıñ bir qısmını azat etkenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
