Frenkistan prezidenti Emmanüel Makron, Ukrayinağa Rusiye territoriyasındaki arbiy obyektlerge ücüm etmege izin berilmeli, dep bildirdi. Bu aqta o, Almaniya kantsleri Olaf Şölts ile beraber keçken matbuat konferentsiyasında ayttı.
"Bizim fikrimizce, bizge Ukrayinağa ücüm etken raketalar ateşlengen arbiy obyektlerni yoq etmege imkân bermek kerek", — dedi Makron.
Aynı zamanda o, "Rusiyeniñ diger nişanlarına ve, belli ki, vatandaş obyektlerine zarar ketirmege imkân bermemek kerekmiz", dep qayd etti.
Bu izaatlardan soñ Şölts Ukrayinağa ketirilgen silânıñ qullanuv qaideleri bar olğanını ve bu "er vaqıt halqara uquq çerçivesinde olmaq kerek olğanını" bildirdi. O şunı da qayd etti ki, Almaniya ve Frenkistan "farqlı silâlar berdi".
Şöltsniñ cevabından, o, Makronnıñ bu meselede mevamını destekleymi, añlaşılmay, lâkin evelden o, Rusiye Federatsiyasında ücümler içün alman silâsınıñ qullanılmasına qarşı çıqqan edi.
Daa evel Rusiye prezidenti Vladimir Putin Ğarpnı, Ukrayinanıñ Rusiye territoriyasına ğarbiy silâdan ücüm etmesi ciddiy aqibetlerge ve telükeli kerginleşüvge ketire bile, dep tehdit etti
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
