"Suverenitet olmasa, Ukrayinanıñ halqara seviyede tanılğan sıñırlarına, şu cümleden Qırımğa qaytmasa, uzun müddetli barışıq olamaz", - dep qayd etti Macron TF1 ve France 2 telekanallarına bergen intervyüsında.
Makron şunı da qayd etti ki, o, Rusiyeniñ Ukrayinağa qarşı cenkini kerginleştirmege istemey, amma Rusiye Federatsiyasını ve Kreml rejimini Frenkistannıñ "muhalifeti" olaraq saya.
''Bugün Rusiye, şübesiz ki, bir raqiptir. Kreml rejimi duşmandır. Men er vaqıt aytqanım kibi, biz Rusiyege ve Rusiye halqına qarşı cenk alıp barmaymız, ve biz Ukrayinağa qol tutamız", - dep qoştı siyasetçi.
Keçken ay Frenkistan prezidenti Emmanüel Makron, ğarbiy ordularnıñ Ukrayinağa yollanılması imkânını red etip olamay, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
