Link açıqlığı

Saatnıñ esas haberi

Mahkeme Ukrayina kommunistik fırqasını yasaq etti


Petr Simonenko
Petr Simonenko

İyülniñ 5-nde Lvivdeki Sekizinci memuriy istinaf mahkemesi Ukrayina kommunistik fırqasınıñ faaliyetini yasaq etken qarar çıqarğan. Bunı mahkemeniñ matbuat hızmeti haber ete.

"2022 senesi iyülniñ 5-nde Sekizinci memuriy istinaf mahkemesiniñ mahkemecileri Ukrayina kommunistik fırqasınıñ yasaq etilmesi aqqında 826/9751/14 nomeralı memuriy davanıñ baqılmasını yekünledi. Mahkeme Ukrayina Adliye nazirliginiñ dava talaplarını qanaatlendirdi: Ukrayina kommunistik fırqasınıñ faaliyeti yasaq etildi; fırqanıñ, onıñ şeer, rayon, teşkilâtlarınıñ, ilk teşkilâtlarınıñ ve diger qurumlarınıñ aktivleri ve parası devlet mülkiyetine keçti", - dep yazıla bildirmede.

Fırqanıñ yasaq etilmesine dair mahkeme qararınıñ metni Ukrayina Adliye nazirliginiñ ve Ukrayina Yuqarı Radasınıñ resmiy saytlarında yayınlanacaq.

Mayısnıñ 14-nde Ukrayina prezidenti Volodımır Zelenskıy Rusiye tarafdarı fırqalarnıñ faliyetiniñ yasaq etilmesine dair qanun imzalağan edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG