Çarşenbe künü 14 insan azat etilmeli. Tutulğanlar Kefe, Kezlev ve Yedi Quyu izolâtorından çıqmalı. Faaller izolâtordan çıqqan soñ tutulğanlarını «sımarış» dep adlandırdı ve qabaatlarnıñ saçma olğanını qayd etti.
Belli olğanına köre, Yedi Quyu izolâtorından Ruslan Abduraşitov ve Eleonor İzmaylov çıqtı, Kezlev SİZOsından – Yunus Fevziyev.
Avgustnıñ 24-nde Bağçasarayda ve Bağçasaray rayonında Rusiye uquq qoruyıcıları qırımtatarlar Ruslan Asanov, Seydamet Mustafayev, Remzi Nemetulayev, Abdulmecit Seytumerov, Amethan Umerov ve Eldar Yakubovnıñ evlerinden tintüv keçirdi. Bundan soñ olarnı Aqmescitteki FSB binasına alıp ketkenler. Avgustnıñ 25-nde Rusiye mahkemesi olarnı eki ayğa SİZOğa yolladı.
Soñra Rusiye kontrolindeki Aqmescitniñ Kiyev rayon mahkemesi tutuğan 22 kişini 1 künden 7 künge qadar apiske aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
