Rusiyeniñ Magnitogorsk şeerinde evniñ kirişinde olğan patlavdan soñ eşilgenler altında 14 elâk olğan insannıñ cesedi tapıldı, dep bildire yanvarniñ 2-nde Rusiye haber agentligi Çelâbinsk vilâyetindeki Rusiye Fevqulâde vaziyetler hızmeti idaresiniñ matbuat hızmetine esaslanıp.
Daa evel eşilgen evde 11 insan elâk oldı, dep haber etilgen edi.
Dekabrniñ 31-nde Çelâbinsk vilâyetiniñ Magnitogorsk şeerinde, ilk malümatqa köre, gaz patladı, 10 qatlı binanıñ kirişlerinden biri eşildi. Yanvarniñ 1-nde saba qurtarıcılar tış divarnıñ eşilüv telükesi bar dep, qıdıruv işlerini toqtattı. Tahminen 30 insan ğayıp oldı.
Rusiyeniñ Çelâbinsk vilâyetinde yanvarniñ 2-nde Magnitogorskta elâk olğanlarnıñ hatırasına matem künü ilân etilgen edi.
Bir qaç Rusiye kütleviy haber vastasında dekabrniñ 31-nde Magnitogorsktaki evniñ patlavında terror izi ve yanvarniñ 1-nde aynı şeerde mikroavtobus yanğınınen alâqası bar olğanına dair malümat peyda oldı.
