Gece rusiye ordusı S-300 raketaları ile Mıkolayivni ateşke tuttı. Bunı oktâbrniñ 13-nde saba vilâyetniñ arbiy memuriyetiniñ yolbaşçısı Vitaliy Kim haber etti.
"Beş qatlı bina zarar kördi. Dağıntılar tübünden 11 yaşındaki oğlan çıqarıldı. Balar dağıntılar tübünde altı saat keçirdi. Şimdi oña tibbiy yardım kösterile", - dep yazdı Kim.
Ukrayinanıñ Mıkolayiv vilâyetindeki Devlet fevqulâde vaziyetler hızmeti bildirdi ki, Rusiye ordusı saba saat 2:30 civarında raketa darbelerini endirdi. Olardan biri beş qatlı binanıñ yuqarıdaki eki qatını berbat etti.
Qurtarıcılar dağıntılar tübünde bir alâqası olmağan daa 7 kişiniñ olmasını tahmin eteler. Qurtaruv çalışmaları devam ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
