Mayısnıñ 30-nda saba Mıkolayivniñ Rusiye tarafında ateşke tutulması neticesinde bir adam yaralandı, 21 hususiy ev zarar kördi. Bunı şeer başı Oleksandr Senkeviç haber etti.
"Rusiye işğalcilerniñ saba saatlarından Mıkolayivni ateşke tutması neticesinde şeerniñ rayonlarından birinde 21 hususiy ev zarar kördi. Esasen dam ve pencrelerdir. Tış divarlarda da bozulmalar bar. Saat 14:00 olğan malümatqa köre, bir adam yaralanğanı bellidir", - dep haber etti o.
Senkeviç, şeerde artilleriya ateşi telükesi ilân etilgenini qayd etip, sakinlerni "mümkün qadar diqqatlı olmağa" çağırdı.
Bir kün evel Mıkolayivniñ başı şeerniñ Rusiye ordusı tarafından ateşke tutulması neticesinde bir adam ölgeni ve eki yaralanğanını haber etken edi.
Moskva çoq sayılı delillerge baqmadan Ukrayinada barışıqsever adamlarnı ateşke tutmağanını bildire.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
